Bloggsíðan er í öllum tenglum hérna við hliðina á og hér: www.valjon.bloggar.is 

Kveðja Valey :)

Er ekki búin að gera neit núna í vikunni nema hlusta á fyrirlestra og glósa. Líst mjög vel á þessa önn í mannfræði, líffræðilega mannfræðin er smá spes en mjög áhugaverð. 

Síðastliðin laugardag keyrðum við til Fredricton til að skoða hvort það væru til mannfræðibækur í bóksölunni þar. Fundum ekki bækurnar sem ég þarf en það er víst kennd mannfrði þar og síðan kynjafræði hérna í Saint John. Ef það væri ekki svona dýrt að vera í skóla hérna þá myndi ég reyna komast inn. Allavegana í fredricton fórum við í verslunarmiðstöð sem leit út fyrir að vera svona 3 búðir, fórum síðan inn og þetta var miklu stærra en verslunarmiðstöðin hérna kom smá á óvart. Hlakka ýkt til að geta sýnt Guðlaugu og Hauk hana. 

Á laugardagsmorgnum förum við oft á markaðin hérna, þar sem held tyrki er að sleja mat og kaupum hjá honum Hummus og jógúrtgúrku sósu. Það er samt smá erfit að koma sér á fætur og niður í bæ fyrir 12 á degi sem við meigum sofa út :P 

Ætli þetta sé ekki nóg í bili :)

Finnst líka svo leiðinlegt að þegar kennararnir mínir fara yfir prófið þá bara voðalega tossi er þetta. Vona að það gerist ekki og þau taka tillit til kennara einkunnar minnar.

Fékk vinnu um jólin, byrjar 14, hlakka til. Ætla samt að vera geðveikur letingi eftir prófið á morgun og þangað til :P

Það er ekki mikið að frétta af mér, þar sem ég er búin að vera föst lærandi alla daga. Svo þetta verður bara lítil færsla :)

Kærastinn minn situr hérna á móti mér að útskýra fiðrildi eða það held ég. Ég átti líka að nefna að hann væri æðislegur svona þrisvar í færslunni, þetta var númer 1.

Ég er sem sagt flutt til Kanada, kom mörgum á óvart :P nei held reyndar ekki. Það er ágætt hérna, alveg yndælis fólk, þessi bær er nú samt mjög lítill og þetta er svona smá Sönderborg all over. Nema að núna er ég með skemmtilegan félagskap. Það er mjög gaman að búa svona með einhverjum, get eldað á hverju kvöldi og lifað á einhverju öðru en popp kexi og pepsi max. Reyndar þá er ég en hætt að drekka pepsi max, held ég hafi aldrei haldið því út svona lengi, hef alltaf gefist upp eftir mánuð, held það er komið yfir hálft ár. Það hjálpar auðvitað að Guðjón kærastinn minn :P drekkur ekki lengur kók svo við erum bæði í þessu. Guðjón er æðislegur (ímynduð mörg hjörtu) númer 2.

Ég fer þrisvar í viku á einhverskonar enskunámskeið, svona ensku umræðuhópa. Þetta er mjög gaman, tölum saman í svona 1 til 1,5 tíma á ensku og eru margir allstaðar að þarna. Læri líka á menningu annarra sem mér finnst gaman. Þetta þjálfar enskuna mína mikið, ég get núna talað mun auðveldari við fólk á ensku :P

Námið mitt gengur vonum framar. Ég held ég er með um 8 í meðal einkunn, reyndar þá fer Guðjón vel yfir hvert verkefni mitt og lætur mig laga þau grimmt. Er mjög ánægð með það því ég held annars að þau væru mjög slæm. Mig vantar víst mikinn orðaforða og málfar mitt er því mjög slæmt. Ég reyni samt og reyni, kem innihalda verkefnanna samt ágætlega til skila, ég er víst ágæt í því.

 Jæja þetta er orðin einhver langloka :P ætla að tjá mig oftar hér samt, skiptir ekki máli hvort fólk lesi þetta :) já og Guðjón er æðislegur :*:*:*:*:*:*♥ ♥♥ ♥♥ ♥♥ ♥♥ ♥♥ ♥♥ ♥♥ ♥♥ ♥♥ ♥♥ ♥♥ ♥♥ ♥ númer 3.

Tek fram áður en fólk held ég er klikkuð þá var þetta Guðjóni  sem vildi fá kissukarla og hjörtun líka :P 

Jæja, þá er það lýsing gærdagsins sem var næst heitasti dagur ársins, þar sem heitasti er í dag 30°C og ég er ekki búin að svitna svona mikið frá því í Evrópu reisunni minni.

Byrjuðum daginn á að fara í stóra flotta garðinn hérna fyrir ofan, tókum myndavélina hans Gaua með þar sem við ætluðum að ná betri myndum af dádýrum og íkornum. Því miður vorum við smá óheppinn, myndavélin var næstum batteríslaus og við sáum enginn dýr, en tókum samt smá myndir af góða verðinu, þær verða hérna í Kanada myndaalbúminu við hliðina á.

Eftir þennan massíva heita göngutúr fórum við í grillveislu til próffesorsins hans Gauja. Hefðirnar hér eru víst aðeins öðruvísi en heima, hér er venjulegt að próffesorinn bjóð manni heim og öllum hinum nemendum sínum, og haldi kveðjuveislu fyrir einn sumar nemann. Kynntumst nokkrum sem er mastersnemar og doktorsnemar í líffræði.

Síðan komum við heim og þar var önnur grillveisla, þar var verið að grilla 2m Styrju, bragðast mjög líkt og Steinbítur eða Skötuselur. Þar var verið að steggja ungan mann og allir frekar mikið í glasi, límdu greyið manninn upp í tré og hentu vatni yfir hann. Þar sem Moskító flugur eru nætur dýr, er ég ekkert voðalega hlynnt því að vera úti, er komin með bit útum allt.

Í dag fórum við til Fredrickton, fórum reyndar vitlausa leið og þar af leiðandi tók ferðin 3 tíma í staðinn fyrir einn og hálfan. En þar sem við lítum alltaf á bjartar hliðar, þá getum við þó allavega sagt hafa séð alla sjávarhliðina niður að landamærum bandaríkjanna. Landsvæðið þarna er líka alveg ótrúlega flott, þótt við tókum nú engar myndir af því.

Var ég búin að segja frá íbúðinni sem við erum næstum búin að fá? lítil 45 fm íbúð, 2ja herbergja, með stærsta ísskáp sem ég hef séð og uppþvottavél (algjört möst að mati Guðjóns). Hún er líka staðsett í notalegu hverfi rétt hjá háskólanum, svo ef bíllinn bilar (sem við ætlum að fá okkur) þá er alltaf hægt að labba :P

Þessi hús sem við skoðuðum voru pínu grunsamleg, eitt var með tveimur stórum löggubílum fyrir framan og fullt af svona "redneck" útlítandi liði fyrir utan, við krossuðum þessa íbúð bara af listanum. Hin var svo sem allt í lagi, en ætlum að skoða aðrar íbúðir fyrst og sjá til með hana.  

Dagblaðið hérna í bænum er líka ágæt, keyptum eitt eintak í gær útaf íbúðar auglýsingum, en  þær virtust frekar ódýrar og í úthverfum eða slumma hverfum. Þessi slumma hverfi koma hérna inn á milli, þar sem húsin eru í niðurníðslu og lök sem gardínur. En aftur á mót var þetta blað fínt, öll síðan aftan á var þakinn myndasögum, og síðan voru léttar krossgátur, súdókú og aðrar þrautir. Skemmti mér konunglega yfir þessu.

 Hann Guðjón er orðin mjög bæklaður á fætinum sínum, svo við erum bara hangandi heima í dag, sem er svo sem fínt því það er mjög heitt úti, eiginlega ekki gott að labba í þannig. en við förum samt út með hundinn á eftir sem býr hérna í kastalanum. Þessi Kastali er risa stór, mamma myndi fíla sig í botn í því. Þetta er á tveimur hæðum, það eru 4 svefn herbergi, 4 baðherbergi, þar af eitt inní herberginu okkar og eitt inní öðru herbergi, síðan eitt á svefnherbergisganginum og síðasta niðri við hliðina á eldhúsinu en samt inní þvottahúsinu. Síðan eru 3 stofur, tvær þeirra með arin, ein borðstofa þar sem ein stofan liggur frá og hinar tvær eru saman með sitthvorn arininn. Síðan eru svona miljón skápar sem eru með herbergishurðum á og ég er alltaf að uppgötva e-ð nýtt. Það er ekkert rosalega gott að vera á neðri hæðinni þegar það er komið myrkur, því þá minnir þetta hús ótrúlega mikið á hryllingsmynd. 

En já það er allt gott að frétta af okkur hérna, þarf að fara að kaupa mér annað dagblað og viðra hundinn :D

  Þessar myndir eru í myndaalbúmi sem heitir Kanada og þar eru fleiri myndir :D

Það er dálítið vesen hérna að vera ekki á bíl, er orðin algjörlega uppgefin í fótunum og nenni engan veginn að standa upp í augnablikinu, síðan er þessi bær ekki beint hannaður fyrir fólk sem labbar, heldur aðallega fyrir bíla.

Við höfum núna skoðað eina íbúð, þetta bílaleysi heftir okkur dálítið í þessu, við getum heldur ekki keypt bíl fyrr en við höfum fengið íbúð, svo þetta er smá vítahringur. en við redduðum því og fáum bílaleigubíl á fimmtudaginn til að auðvelda þetta allt saman.

Ferðin gekk ágætlega, fundum strax bílaleiguna og lentum síðan strax á réttri hraðbrautinni og síðan 200 km síðar runnum við í hlað hjá gistihúsinu, gistum þar um nótina og síðan morguninn eftir lá ferðinni beint til Saint John. Lentum ekki einu sinni í vandræðum með að finna kastalann, því að gatan sem hann er á er bein leið af afleggjaranum af Hraðbrautinni. Síðan fórum við í smá bíltúr um borgina, týndumst nokkrum sinnum, einu sinni mjög illa, en við redduðum okkur eins og ekkert var, enda er þessi borg á stærð við Reykjavík. Skiluðum bílnum í dag og þá föttuðum við að vegalengdirnar eru frekar langar og það er ekki alveg hægt að fara að skoða íbúðir um allan bæ þannig. Náðum samt að redda síma og Kanadísku númeri handa Gauja sem ég mun muna því það minnir mjög mikið á mitt íslenska. Fórum líka í bankann að redda reikningi, íslenskir bankar eru mjög öðruvísi miðað við útlenska, það hef ég alla veganna komist að. Skoðuðum líka bókasafnið hérna í bænum, ég þarf greinilega að ræða við bæjarbókavörðinn í bókasafninu mínu, þetta er mun sniðugra á mörgum sviðum ;) Skrifa meira um ferðina á morgun :D eða hinn :p

Til að snúa mér að öðru, hefurðu ekki séð hvað bandaríska steríó týpan er feit og hreyfir sig ekki neitt? Ég varð einmitt vitni af þessu fyrstu tvo dagana sem ég var hér, mikið af feitu fólki, var byrjuð að hafa smá áhyggjur af þessu, að við værum að fara að flytja í middle of know where New Brunswick og að auka bara feit fólk... Komst síðan að því í dag að feita fólkið er auðvitað á skyndibitastöðunum um helgar alla veganna og síðan kemur venjulega fólkið fram á virkum dögum, og á venjulegum stöðum :D Tek samt fram að það er óvenju mikið að OF feitu fólki hérna. Þarf greinilega að passa mig á þessu þegar ég flyt út. 

Jæja svo ég komi mér nú að öðru máli, var að lesa um svínaflensuna og skoða hver einkenni hennar eru, komst að því að hiti, sárindi í hálsi, beinverkir og síðan ógleði/uppköst/niðurgangur væru helstu einkennin, en ef maður er bara með eitt eins og sárindi í hálsi þá er maður ekkert með svínaflensu er það?

Er að missa mið í bók sem heitir því óskemmtilega nafni Píkutorfan og fjallar þessi bók um mismun kynja í uppeldi, alveg hin fínasta lesning. Ég verð alltaf meiri og meiri var við hvernig bækur er ætlaðar stelpum og hvernig bækur er ætlaðar strákum, verð líka meiri var við að allar stelpur á leikskóla aldri eru í bleiku, og þær sem eru ekki í öllu bleiku eru þá í smá rauðu við eða fjólubláu, samt alltaf í pastel litum. Mér finnst í rauninni ekkert hræðilegt að stelpa er í öllu bleiku stundum eins og mér finnst ekkert við það að strákur er í öllu bláu, það er bara það að stelpur eru aldrei í bláu og strákar eru ekki í bleiku það er það sem truflar mig. Líka allar þessar prinssessu bækur sem kenna stelpum að vera sætar, góðar og hlýðin, það er samt alveg gott og blessað að kenna þeim síðustu tvo hlutina, en hvað kemur sætleiki málið við? Síðan lesa strákar sjóræningja bækur þar sem er ekkert kennt að vera góður og hlýðin, það er bara bók um sjóræningja og er í raun svona bók með upplýsingum. Mæli samt algjörlega með prinsessu bókum eftir Per Gustavsson, þær eru snilld, það eru bækur um prinsessur sem bjarga sér sjálfar og þurfa ekkert að prinsum að halda til að laga dekkið sem sprakk eða þá að þær bjarga prinsinum úr klóm drekans, því stundum þurfa prinsar hjálp. Það góða við þessar bækur er að þær eru öðruvísi, og ég held að við höfum bara mjög gott af því að breyta til og gera heiminn jafnari :)

Lolita:Ég held að stíllinn komi frá héræði sem heitir Kansai í japan og er frá 1970 en er núna aðalega í Tokyo í hverfi sem heitir Harajyuku. Þar er fullt af allskonar stílum og þar á meðal Lolita, þetta hverfi er þekkt fyrir undarlega fatastíla meðal fólks sem hangir þarna, hef mikin áhuga á að skoða þetta, mæli með bókinni fresh fruits, þar eru fullt af myndum af allskonar stílum. Lolita saman stendur af fötum í Viktóríutímanum og dúkkustíl blandað saman eða barnafötum frá viktórítímanum. Til eru nokkrar gerðir af þessum stíl þ.e Sweet Lolita, Punk Lolita og Goth Lolita síðan er líka classic Lolita. 

Classic Lolita: Ég því miður veit ekki mikið um þann stíl nema hann er  á milli goth og sweet þ.e svartur, munnstur eru minni áberandi en í sweet, ekki notað jafn mikið af fylgihlutum og í hinum stílunum, er fágaðri og einfaldari.

Sweet Lolita samanstendur af tjull pilsi, bol, hnéháum sokkum og kannski peysu yfir, sætum litum eins og bleikum eða rauðhvítu/bláhvítu köflótt, fylgihlutir eru sólhlíf eða veski í stíl við fötin, slaufa í hárinu og sætir skór í stíl. Í raun eins og dúkka, Lísa í Undralandi er mikið notuð sem grunnhugmynd, ávextir, nammi og gömul ævintýri eru líka notuð sem hugmyndir með sweet Lolita fötum. Það finnst líka alveg sweet lolita í dökkum fötum, það er bara ekki jafn algengt og mér finnst þá líka eins og að þá ertu komin yfir í classic eða goth.

Punk Lolita er í raun bara oftast goth/classic lolita með punk ívafi sem varð síðan af eigin stíl. Dæmi um um Lolita punk er þessi týpíski skólabúningur sem er búið að tæta og bæta við, sem sagt köflótta pilsinu, djarfari skirtu, hnésokkum, hálsbindi, nælur og stígvél. Punk Lolita er líka stundum í kjól, en það er bara mun sjaldnar. Hárgreiðslur eru oftast djarfari og í djarfari litum eins og gerist í Punk stílnum. Síðan eru litirnir dekkri, svartur og rauður mikið notaður, strípur í hári og mikið máluð eins og í goth stílnum.

Goth Lolita finnst mér líkari Viktorístílnum heldur en hinir stílarnir. Þessi stíll er pínu líkur vestræna Goth stílnum blandaður með Lolitu, bara þessi dramatíska málling sem er þekkt hér er ekki í Goth Lolita þar er bara dramatísk augnmáling og rauður varalitur eða dökkur. Stíllinn saman stendur af kjól sem nær niður að hnjám eða styttri, er svartur eða í dökkum litum, efrihlutinn á kjólnum er oft í lífstykkjastíl, síðan er restin mjög líkt sætu Lolitu, bara mun dekkri, svart aðalega notað og stundum dökkraut og fjólublátt með. Fylgihlutir eru til dæmis veski í leðurblöku líki eða líkkistuklíki.  

 Ég hef það fínt :)

Er núna að lesa bók sem heitir Öskubusku áhrifin, þetta er mjög áhugaverð bók, ég tek samt fyrst tillit til þess að hún er skrifuð um 1980 og eitthvað. Aðalmálið í þessari bók er það að konur kynnast maka og byrja síðan að búa með honum, hætta að vinna úti (tek fram að þetta er pínu gamaldags hugsunar háttur) Þá byrja þær að verða mjög háðar manninum sínum, gera allt fyrir hann hætta að gera e-ð fyrir sjálfa sig og þora ekki að standa á eigin fótum, því að hann er gáfaðri, betri og þær sem sagt byrja að líta á sig sem nr 2. Ég hef ekki mikla reynslu í þessu, en ég varð mun sjálfstæðari eftir ég hætti með kærastanum mínum. Þetta er auðvitað engan vegin manninum að kenna, heldur uppeldislegt frá samfélaginu, sem er búið að skána helling frá 1980. Allar prinsessumyndir og rómantískar gaman myndir, þetta fjallar allt um að hitta drauma prinsinn sinn sem bjargar þeim frá hversdagslífinu og þær fái fjárhagslegt öryggi. Málið er að það getur engin bjargað þér frá lífinu, eina manneskjan sem getur bjargað þér ert þú sjálf. En kannski er það líka málið að maður þarf ekkert björgun, kannski er lífið fullkomið eins og það er, það er alltaf hægt að lagfæra ýmsa hluti en af hverju að dreyma um einhvern draumaprins? Síðan þegar maður hittir draumaprinsinn þá hættir maður öllu fyrir sjálfa sig og gerir allt fyrir hann. Þetta stendur í bókinni, auðvitað er þetta ekki alveg svona ég veit það alveg, en samt er alltaf hægt að finna e-ð sem maður er sammála. 

Ég æfi klifur núna á hverjum sunnudegi með vinkonu minni, tek fram að ég er lofthrædd. En mér finnst þetta spennandi, var að komast að því í gær að fyrv. kærastinn minn vildi endilega æfa klifur, ekki datt mér til hugar að gera það þegar ég var með honum. ég byrja í japönsku í Apríl mánuði eða í sumar, fer eftir fjárhaganum mínum, en það er samt á dagskrá. Ég er opnari fyrir öllu mögulegum hlutum, bara spyrja mig hvort ég vil gera e-ð og svarið er oftast já. fer í sund reglulega, samt aðallega til að hanga með Valborgu, þarf að fara oftar og synda. Ég get planað að flytja til Japans eftir eitt til tvö ár og ég geri það, er meiri segja búin að finna listaskála með fata og teikni námi. Það er mun líklegri að ég framkvæmi hlutina líka. ég er ekki að segja að það er slæmur hlutur að vera í sambandi, ég veit um mörg pör sem það er fullkomið, en ég er bara ekki komin yfir þessi öskubusku áhrif og þarf þess vegna að standa á eigin fótum. Þetta er ekki afsökun, ég er bara að útskýra af hverju ég vil ekki kærasta, fólk verður alltaf jafn hissa þegar ég reyni að segja að ég hafi ekki áhuga.

En já nóg um þetta, ég er að sauma mér bláan kjól og mun setja mynd af honum hingað inn þegar ég er búin :D

Eftir ég byrjaði að vinna á bókasafni, hef ég lesið mikið af bókum, en ég efast um að einhverjir myndu kalla þetta heimsbókmenntir. 

Það sem ég hef lesið frá því ég byrjaði er (ekki í réttri röð samt):

1. Strákarnir með strípurnar  
2. Rokk, rósir og rótleysi
3. Kvöldbók Línu
4. Marmelade boy (Manga)
5. Áfram Prinssessa (3 af 4)
6. Leiðarvísir puttaferðalangs um Vetrabrautina
7. Lesarinn
8. Opin ská ævisaga gleðikonu í London
9. Núna er ég að lesa fimm manns sem þú hittir á himnum

Þetta eru engar heimsbókmenntir, fyrstu tvær eru meiri segja verst skrifuðuð unglinga bækur sem ég hef lesið, þær eru skrifaðar í þátíð en eiga að gerast í nútíð. Hef mikinn áhuga á að lesa unglinga bækur, veit ekki alveg afhverju, þetta er rosalega auðveldar bækur, en ég er aðallega að lesa þær með því sjónarhorni hvernig þetta virkar á börn og unglinga.
Les ekki mikið Manga, en stundum les ég eina og eina bók. Áfram prinsessa er líka unglingabók, er ágæt, gerist ekki mikið í henni og er mjög fyrirsjáanleg. Leiðarvísir bókin er mjög góð, kannski of mikið ævintýri fyrir minn smekk en er fín. Lesarinn er bók sem ég mæli með og hef mikinn áhuga á að sjá myndina. Opinskáa ævisagan er ekki góð, þetta er í raun dagbók og líf manneskju er ekki að áhugavert að hægt er að gefa út 400 blaðsíður um mjög lítið, er alveg áhuga verð á köflum en hún nær engir dýpt, þér er alveg sama þegar þú leggur bókina frá þér og hefur engan áhuga að velta þessari bók meira fyrir þér. Mæli með bókinni sem ég er að lesa, get ekki hætt að lesa hana, sem er góður kostur. 

Ég myndi lesa meira ef ég hefði tíma, en er núna að horfa á Japanska og kóreska þætti. Japanski þátturinn heitir Hanazakari no kimitachi e og sá kóreski Hana yori dango. Þetta eru í raun dramatískir unglingaþættir en eru svo mikið bull inn á milli. Kannski best að lýsa þessu eins og Don Rosa sögurnar um Andrés önd, e-ð alvarlegt að gerast fremst á myndinni en í bakgrunninum er alltaf e-ð fyndið að gerast. Þetta finnst mér alveg vanta í bandarísku drama unglinga þáttum, fyndnina og skemmtunina, það er alltaf eins og líf þeirra í þessum þáttum er ein sorgarsaga. Samt margar byrja pínu fyndnar en það endist oftast ekki lengi.

Ef þið eruð meðeinhverjar bækur sem ég verð að lesa því þær eru frábærar endilega komið með uppástungur, en ég er ekki viss samt hvort ég muni lesa það.

Þetta er nóg í bili, já og endilega skrifið upp 5 uppáhaldsbækurnar ykkar í kommenti, mér er alveg sama hver þú ert :)

Um dagin dreymdi mig lestarstöð þar sem strákur var að játa ást sína á mér, ég skildi þann hluta ekki alveg, síðan breytist lestarstöðin í svefnherbergi og ég átti að sofa á teppi á gólfinu eða einhverju álíka, því stelpa sem leit alveg út eins og Geri Halliwel í Raining men myndbandinu svaf í rúminu, ástarstrákurinn var gufaður upp og ég var í hörku umræðum við ömmu man samt ekki hvora um hvað við ættum að gera við stelpuna í rúminu.

Efast um að einhver geti ráðið úr þessum draumi, þar sem ég get nú útskýrt flest. Lestarstöðin var ferðamiðstöð úr portúgal, strákurinn var bara að haga sér eins og leiðinlegir strákar gera, stelpan er vegna þess ég horfði á myndbandið fyrr um kvöldið, og já þetta eru allt gamlar miningar. Draumar þýða ekkert með framtíðina, þetta er bara heilin að sortera og rugla saman ímyndun við raunveruleika og út kemur mjög súrir hlutir sem við köllum drauma.

einu sinni dreymdi mig reyndar draum um að ég var að labba með gammallri vinkonu sem ég hafði þá ekki hitt í mjög langan tíma, hún átti tvö börn (í raunveruleikanum bara 1) strák og stelpu. Við vorum labandið saman ég, hún, börnin tvö og kærastinn minn, sem ég hef aldrei séð áður, mjög flottur strákur sem æfði fótbolta þar sem annar fóturinn hans var e-ð bæklaður eftir slys. Þessi vinkona mín vildi alls ekki fara heim til sín því hún var svo hrædd við manninn sinn. þannig endaði draumurinn. Og já þetta gerðist allt í kópavogi, ef það hefur einhverja merkingu.

Ég vona innilega ekki að þessi draumur er réttur, en ég veit heldur ekkert betur en að þessi stelpa er ýkt hamingjusöm með manninum sínum.

Ég er bara að babla út í lífið og vona að fá einhver komment hérna, en það ert greinilega bara þú Guðlaug sem lest þetta :)

Ég vinn 8 tíma á dag, frá 9 til 17 sem er fínt, það er bara það að ég verð svo löt á kvöldin en næs amt alltaf að vera upptekin og aldrei vera heima hjá mér. Líka geri ekkert gagnlegt bara heng heima hjá fólki.

Pepsi max er of óhollt, eða það finnst mér og er þess vegna er ég hætt að drekka það. Er líka í svona léttu átaki með að borða hollt og hreyfa mig, samt ekkert rosalegt þar sem ég á enga peninga, en ég fer þó ekki út að borða lengur og fá mér skyndibita, heldur elda ég mat sem endist. Reyni líka að drekka nógu mikið vatn yfir daginn þ.e 6 glös :). á engan pening fyrir djammi svo ég er í pásu frá því, svo ef þið viljið hafa kosý helgi með mér, með engu snakki kannski bara gulrótum, endilega látið mig vita ;)

Jæja ég held að þetta er allt í bili :)